அரவிந்த் கெஜ்ரிவாலுக்கு ஜாமீன்! நீதிமன்றம் உத்தரவு

டெல்லி முதல்வர் அரவிந்த் கெஜ்ரிவாலுக்கு ஜாமீன் வழங்கி ரோஸ் அவென்யூ நீதிமன்றம் உத்தரவு பிறப்பித்துள்ளது.

மதுபான முறைகேடு தொடர்பாக டெல்லி முதல்வர் அரவிந்த் கெஜ்ரிவால் கடந்த மார்ச் மாதம் 21 ஆம் தேதி அமலாக்கத்துறையினரால் கைது செய்யப்பட்டார் என்பது குறிப்பிடத்தக்கது. இந்நிலையில் கடந்த மே மாதம் நடந்த மக்களவை தேர்தலை கருத்தில் கொண்டு அவருக்கு ஜூன் 1 ஆம் தேதி வரை இடைக்கால ஜாமீன் வழங்கப்பட்டது. இதனையடுத்து ஜூன் 2 ஆம் தேதி மீண்டும் அவர் சரணடைந்தார் என்பது குறிப்பிடத்தக்கது.

அரவிந்த் கெஜ்ரிவால் ஜாமீன் மனு மீதான இரண்டாவது நாள் விசாரணையின் முடிவில் அவருக்கு சாதகமான தீர்ப்பு வழங்கப்பட்டுள்ளது. இதனையடுத்து ஆம் ஆத்மி கட்சியினர் பட்டாசு வெடித்து மகிழ்ச்சியை தெரிவித்து வருகின்றனர்.